…gusto mo lang mag-party nang naka-bikini. Oo, may night life din sa El Nido. Pero hindi ito kagaya ng Boracay na unti-unting binababoy ng komersyalismo at mga bisitang lumalangoy sa alak at dumi imbes na sa dating malinis na dagat. Malinis pa ang El Nido. Matiyaga pa ang mga bangkero at komunidad nito na sinisigurong wala ni isang plastic o lata na lulutang sa mga dagat at pampang nito. Kaya wag kang pasaway.

...nagbunga ang pagko-crossfit o yoga mo at handa ka nang rumampa sa buhangin. Walang panahon ang El Nido sa Century Tuna superbod mo. Dito, ang kalikasan ang bida. Ang ganda ng tanawin at busilak ng tubig-dagat ang binibigyan ng pansin. Kung talagang GGSS (gandang-ganda sa sarili) ang trip mo, magandang photo booth ang buong El Nido.

…maarte ka in general. Malayo sa airport ang El Nido. Aabot ng hanggang 6 na oras kung walang wiwi break; apat kung may ambisyong maging piloto ang driver ng van na marerentahan mo. Karamihan dito ay mga simpleng hotel o inn. Pero kung mayaman ka at afford mong mag-hotel sa Lagen o Amanpulo, e di wow. Go for it.

.

..gusto mo lang mag-swimming. Ang daming pwedeng gawin sa El Nido: island hopping, camping, cave exploration, cliff climbing, diving, snorkeling, o lagoon trekking pag low tide. Kung gusto mo lang mag-swimming, sa public swimming pool ng village clubhouse nyo. Di ko na kailangang ipaliwanag kung bakit.

…adik ka sa selfie. Hindi naman sa bawal, pero naman, ang ganda ng tanawin sa El Nido! Ito ang tipo ng lugar na dapat tinatatak sa utak. Gawin mong GoPro ang mata mo. Tapos pumikit ka sandali na parang nire-review mo kung maganda ang kuha mo. Sabay hinga ng malalim dahil sobrang sariwa pa ng hangin dito. Kung pwede lang baunin pauwi…Pero kumuha ka rin ng pictures na pang-share sa iba ang ganda ng El Nido — tulad ng blog na ganito.

Aaminin ko, nung una akong pumunta sa El Nido, nataranta ang diwa ko. Hindi ko alam kung ano ang uunahin ko: ang kumuha ng maraming pictures, makilangoy (salamat sa nag-imbento ng life vest), o tumunganga sa ganda ng mga pinuntahan namin. Kahit ngayon pagbalik ko, medyo ganon pa din ang effect sa akin.

Kaya nga iniisip ko, sana makabalik ako sa El Nido. Hindi pwede ang isang puntahan lang. Yung mga may balak dyan, may pakiusap ang mga taga-El Nido: sana matuto tayo sa nangyayari ngayon sa Boracay.

Btw, hindi lang El Nido ang maganda sa Palawan. Maganda ding puntahan ang Puerto Princesa at Coron. Pero ibang kwento na yon…